Нэрийн утга: Афган нь санскрит хэлний “ашвакас” буюу “морьтнууд” гэсэн утгатай үгээс үүдсэн гэх таамаг бий. Афганистан нь афган буюу пуштунчуудын нутаг гэсэн утгатай.

Албан ёсны нэр: Исламын Бүгд Найрамдах Афганистан Улс

Засаглалын хэлбэр: Ерөнхийлөгчийн, исламын бүгд найрамдах

Улсын уриа: “Аллахаас өөр Бурхан үгүй. Мухаммед бол түүний зөнч”

Төрийн дуулал: “Үндэсний дуулал”

Нийслэл: Кабул

Мөнгөн тэмдэгт: Афгани

• Орчин цагийн Афганистан улсыг Ахмаад Шах Дуррани 1747 онд байгуулсан.
• Ойрх Дорнод, Төв Ази, Энэтхэгийн дунд оршдогийн хувьд олон мянганы турш дайн тулаан, эрх мэдлийн төлөөх тэмцлийн талбар байсан.
• 1919 онд Их Британиас тусгаар тогтносон. 1973 онд бүгд найрамдах улс болсон.
• Албан ёсны хэл нь пушту, дари буюу перс.
• Үндэсний спорт нь бузкаши буюу ямаа булаалдах.
• Хүн ам нь 32 сая. Хүн амын өсөлтөөр дэлхийд гуравт ордог.
• Хүн амынх нь 99 хувь исламын шашинтан.
• Нийслэл нь 3000 гаруй жилийн түүхтэй Кабул хот. Хүн амынх нь дөрөвний нэг нь нийслэлдээ амьдардаг.
• Хүн амынх нь 38 хувь паштун, 27 хувь тажик, 19 хувь нь хазара, ес хувь нь узбек, дөрвөн хувь нь туркмен, үлдсэн нь аймак, белуж зэрэг бусад үндэстэн, ястан.
• Хар тамхины ургамлын хамгийн том олборлогч.
• 3.5 сая афганчууд хилийн чанадад амьдардаг.
• Иргэдийнх нь дундаж наслалт 44.
• Таван афган эмэгтэй тутмын нэг нь л бичиг үсэгт тайлагдсан. 
• 5000 гаруй хүнд нэг эмч ногддог.
• Хүн амынх нь тал гаруй хувь олон улсын тусламжийн хүнсээр амь зуудаг.