Нэрийн утга: X зуунд Төвөдөөс өнөөгийн тус улсын нутагт суурьшсан бота ястны нэрээр нэрлэгдсэн.

Албан ёсны нэр: Бутаны Хаант Улс

Засаглалын хэлбэр: Парламентын, үндсэн хуульт хаант

Улсын уриа: байхгүй

Төрийн дуулал: “Аянгат луугийн нутаг”

Нийслэл: Тимпү

Мөнгөн тэмдэгт: нгултрум

• Албан ёсных нь хэл зонгха, англи. Төвөд, балба хэл мөн түгээмэл.
• Хамгийн тусгаарлагдмал орны нэг.
• Олон улсын хэд хэдэн судалгаагаар Азийн хамгийн аз жаргалтай улсаар тодорсон. Мөн амьдрахад хамгийн таатай орны жагсаалтад эхний аравт багтдаг.
• 1907-2008 онд хэмжээгүй эрхт хаант засаглалтай байв.
• Анхны ардчилсан сонгууль нь 2008 оны гуравдугаар сард болсон.
• Төрийн тэргүүн хаан Жигмэ Кхесар Намгьял Вангчук (Жигмэдгэсэрнамжил Ванчиг) нь дэлхийн хамгийн залуу хаан юм.
• Хамгийн өндөр цэг нь 7553 метр өндөр Кула Кангри оргил.
• Бутанд VII зууны дунд үед дэлгэрсэн буддизм өдгөө төрийн шашин нь. Удаах түгээмэл шашин нь хиндү.
• 1910 оноос тусгаар тогтнох хүртэл нь буюу 1947 он хүртэл гадаад харилцааг нь Их Британийн төр мэддэг байв. Энэхүү үүргийг дараахан нь Энэтхэг хариуцаж байсан ч өдгөө Тимпүгийн эрх баригчид гадаад хэргээ бие даан шийдэж буй.
• Тусгаар тогтнолыг нь НҮБ 1971 онд хүлээн зөвшөөрсөн.
• Гадаадын жуулчдыг анх 1974 онд хүлээж авсан.
• Зурагт, интернэтийн сүлжээ 1999 онд нэвтэрсэн.
• Үндэснийх нь спорт сурын харваа.
• Эрүүл мэндийн үйлчилгээ нь бүх оршин суугчдад болон жуулчдад үнэ төлбөргүй.
• 670 мянга гаруй хүн амынх нь 63 хувь хөдөө аж ахуйн салбарт ажилладаг.
• Иргэдийнх нь ердөө 47 хувь уншиж, бичиж чадна.
• Тамхийг бүрэн хориглосон дэлхийн анхны улс.