Улаанбаатар хотын шилдэг ресторануудыг цувралаар танилцуулж байна. Энэ удаагийн танилцуулах ресторан бол "Серж Эксклюзив Хаус" барилгад байх "Батько Опанас" ресторан юм.
1999 онд байгуулагдсан цагаасаа хойш үйл ажиллагаагаа өргөжүүлэн 5 ресторан, 4 кулинар, 1 кофе шоп, үйлдвэрлэлийн 2 цех, 11 магазинчик, зочид буудал зэргийг ажиллуулж буй Серж Интернэшнл компаний уг ресторан нь Украйн үндэсний уламжлалт хоолыг орчин үеийн технологиор бэлтгэн боловруулж гадаад, дотоодын зочдод Украйн орны соёл уламжлал, хэв маяг, хоолны амт, урлагийг мэдрүүлэн таниулсаар байна.
2011 онд баригдаж ашиглалтанд орсон "Серж Эксклюзив Хаус" гэж нэрлэгддэг энэ 7 давхар барилгаар хамтдаа аялцгаая.
Үүдээр орж ирэхэд таныг шинэхэн кофе, төрөл бүрийн нарийн боовны үнэр, цэвэр саруулхан танхим угтах болно. Та өглөөний цайгаа амжиж уугаагүй бол Милая кофе шопыг зориорой. Харин зав чөлөө багатай яваа бол Милая цехэд бэлтгэсэн кулинараар үйлчлүүлээрэй. Ажлын өдөр бүр 8:00 цагаас, амралтын өдрүүдэд 9:30 цагаас үүдээ нээн та бүхэнд үйлчилж байна.
Энэ бол "Орос чанар, Орос амт".
Шарсан загас, шорлог, тахианы махан ороомог, голубцы, котлет, тахианы махан шницель, төмсний хучмал, тефтель, төрөл бүрийн салат, зууш, жимсний чанамал, шүүс, бялуу зэрэг олон амттаныг та бүхэнд зориулан өдөр бүр шинээр нь хүргэж байна.
Милая нарийн боовны цехийг 2005 оноос эхлэн ОХУ-ын нарийн боовны мэргэшсэн тогооч Антонинагаар удирдуулан ажиллуулж эхэлсэн ба бүтээгдэхүүнээ орос технологийн дагуу чанарын шаардлага хангасан түүхий эд материалаар дээд зэргийн амт чанартайгаар үйлдвэрлэдэг.
2012 онд “Милая” НБЦ-ийн нарийн боовчин, чимэглэгч нар ОХУ-ын Эрхүү хотын “Вентус” кафены ерөнхий захирал ОХУ-ын мастер-кондитер, “Алтан тогоруу” шагналын эзэн, Тогооч нарын холбооны дээд зэрэглэлийн “Нэр хүндийн тэмдэг” одонгийн эзэн, 2011 оны ОХУ-ын шилдэг эрхэмийн нэг Владимир Игнатьев Кругловын удирдлаган дор "Фигурные Праздниыные Торты" сургалтанд хамрагдаж байв.
Серж Эксклюзив Хаусын 2-р давхарт Хата стилийн тохижилт бүхий тансаг орчин, гар хийцийн хатгамалаар чимэглэсэн ширээнээ гоёмсог үндэсний хувцастай найрсаг хамт олон таныг угтана. Шалнаас тааз хүрсэн том цонхтой, цэцэг навч алагласан энэ танхимд өдөр, оройн зоогийг барихад та сэтгэл хангалуун үлдэнэ гэдэгт итгэлтэй байна.
Гэрийн аргаар дарсан сало, хиам, амтат жимсний чанамал, Серж ногоон талбайн өргөст хэмх, улаан лооль, украйн маягаар даршилсан зууш, алдарт Киевский котлет, жаркое ушки, харчо шөл гээд 11 төрлийн шөл, 18 төрлийн амтат хоол, салат, зууш, 30 гаруй дарснаас сонголтоо хийгээрэй.
Хүлээн авалт, баяр ёслолд зориулан катерингийн үйлчилгээ, ажлын уулзалтанд мөн зориулсан өглөөний цай, бизнес ланчийг бэлтгэн хүргэдэг юм байна.
Төрсөн өдөр, бизнес уулзалт, гэр бүл, хамт олон, анд нөхөдтэйгөө суухад зориулсан 20 хүний багтаамжтай "Анчдын клуб" VIP өрөө мөн 2-р давхарт байрладаг.
Батько Опанас ресторанд 16 дахь жилдээ ажиллаж байгаа Украйн тогоочийн ахалсан олон жилийн туршлагатай хамт олон ажилладаг.
80-120 хүн хүлээн авах хүчин чадалтай "Опанас" ресторанд:
Байгууллагынхаа шинэ жилийн комисст багтсан менежерүүдэд "Опанас" ресторантай холбоо тогтоохыг санал болгож байна.
Серж Эксклюзив Хаусын үүдээр орсон цагаас л энэ барилгын өнцөг булан бүрт элдэв чамин сувенирүүд байгааг та харах болно.
Аль ч танхимд, хаана ч суусан хананд өлгөсөн уран зураг, Орос үндэсний чимэглэлүүд, хуучны хөгжим, хэрэгсэл, ном, дарсны цуглуулга, баавгайн арьс, бугын эвэр гээд сонирхох зүйл ихтэй.
Серж Эксклюзив Хауст зөвхөн ресторан, кофе шоп байгаад зогсохгүй мөн хурлын танхим, зочид буудал байрладаг. Та гадаад, дотоодоос ажил хэргийн болон амин хувийн журмаар найз нөхдөө авчирвал энд байрлуулаарай. Хурал зөвлөгөөн, сургалт зохион байгуулах 12 болон 60-70 хүний багтаамжтай танхимууд, ая тухтай хагас люкс буудлын өрөөнүүд байдаг.
Хаяг: БЗД 1-р хороо, Токиогийн гудамж-2
Утас: (976) 453716, 80118260
АНХААРУУЛГА: Уншигчдын бичсэн сэтгэгдэлд ARAV.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
