Volkswagen, Audi, BMW, Mercedes Benz, Porsche зэрэг дэлхийн хамгийн алдартай автомашины үйлдвэрүүд бүгд Герман. 

Герман улсын нийслэл Берлин хотод олон алдартай түүх, дурсгал бий. Тэдгээрээс хамгийн алдартай нь Берлиний хана. Тус хана нь Берлин хотыг баруун, зүүн хэмээн хоёр хувааж байсан бөгөөд өдгөө жуулчдын хамгийн их очиж үздэг газруудын нэг юм. Берлиний хана нь зөвхөн үзэл суртлаар тусгаарлаж байсан төдийгүй ханыг давахыг оролдсон хэн ч амь насаа алдах эрсдэл дагуулж байсан билээ. 

Дэлхийн хамгийн том шар айрагны баяр болох Октоберфест нь Герман улсаас гаралтай бөгөөд бүтэн хоёр долоо хоног үргэлжилж, зөвхөн германчууд төдийгүй дэлхийн өнцөг булан бүрээс сая сая жуулчид зөвхөн тус баярт оролцохоор зорин ирдэг байна.

Та алдарт Уолт Диснейн “Үнсгэлжин”, “Нойрсож буй гүнж”, “Цасангуа ба долоон одой” зэрэг хүүхэлдэйнүүдэд дуртай юу? Хэрэв та Диснейн бүтээлүүдэд дуртай бол Герман улс танд гарцаагүй таалагдах болно. Учир нь Германд байдаг олон үзэсгэлэнтэй цайз шилтгээнүүд Диснейн уран бүтээлчдийн онгодыг хөглөсөөр ирсэн аж.

Германчуудын шар айрганд зарласан “хайр” Оросуудын “водка”-ндаа дуртайгаас ялгаагүй гэхэд болно. Гэвч Германчууд өөрсдийн үйлдвэрлэдэг 2500 гаруй төрлийн шар айргаа зөвхөн дөрвөн төрлийн бүтээгдэхүүнээс л гаргаж авахыг хуулиар зөвшөөрдөг аж. Гэсэн ч Европын өөр хаанаас ч олохгүй сайн шар айраг зөвхөн Германд бий.

Германд жил бүр Зул сарын баяраар мянга мянган мод худалдаалагддаг. Германчууд гацуур модыг зүгээр л баярын чимэглэл болгон авахаас илүү 16-р зууны үеэс улбаатай заншлын дагуу байшингийхаа дээврийг чимэх гэж авдаг байна. Хамгийн анх Зул сараар гацуур мод чимэх уламжлал Герман улсад үүсчээ.

Дэлхийн хамгийн амттай зайдсыг зөвхөн Германд үйлдвэрлэдэг. Мөн сонголт ч ихтэй. Зөвхөн маханд дурлагсдад зориулсан 1500 орчим төрлийн сайн чанарын зайдас бий.

Талх бол хамгийн түгээмэл хүнс. Германчууд бараг бүх зүйлийг талхтай хольж иддэг. Мөн Герман талхчид дэлхийн хаана ч маш алдартай. Үржил шимт хөрсөнд ургасан сайн чанарын гурилаар хийсэн шинэхэн талх үнэхээр янзтай биш гэж үү?

Жилийн турш хөлбөмбөгийн стадион дүүргэлтээрээ Германыг гүйцэх улс дэлхийд алга байна. 1900 онд байгуулагдсан цагаасаа хойш Германы хөлбөмбөгийн шигшээ баг дэлхийн 4 удаагийн, Европын 3 удаагий аваргаар тодроод байгаа билээ.

Европын хамгийн завгүй, хөл хөдөлгөөн ихтэй хотууд Германд байдаг. Энэ хотуудаас, энэ улсаас, энэ агуу үндэстнээс дэлхийн өнцөг булан бүрт танигдсан олон арван алдартнууд төрөн гарсан юм. Нэр дурдвал, агуу эрдэмтэн Нобелийн шагналт Альберт Эйнштейн, хөгжмийн суут зохиолчид болох В.Моцарт, Л.Бетховен, онолч Карл Маркс, зохион бүтээгч Рудольф Дизель, сүм хийдийн шинэчлэлтийг хийсэн Мартин Лютер гээд тоочоод баршгүй алдартнуудыг Германчууд төрүүлжээ. 20-р зууны хамгийн том гамшгийг эхлүүлсэн Адольф Хитлер ч бас герман үндэстэн юм.