Далайн гүнээс аргамжаатай эрчим хүч үүсгүүрүүдээр дамжуулан далайн түрлэгийн хөдөлгөөнийг ашиглан эрчим хүч гаргаж авч болдог байна. Энэ нь байгаль орчинд хор хөнөөл багатай технологи хэмээн нэрлэгдэж байгаа юм. Хамгийн том Түрлэгийн энергийн станц нь Францын хойд нутагт байдаг "La Rance" станц юм.

Далайн гадаргуу дээр үүсч байгаа давалгааг ашиглан эрчим хүч гаргаж авна. Энэхүү төхөөрөмж нь цахилгаан үүсгүүр ус цэвэршүүлэгч, насос болон ус нөөцлөх сав зэргээс бүрддэг. АНУ, Англи, Швед, Испани, Португал, Израиль, Грек зэрэг орнуудад ашиглагдаж байна.

Нарнаас гарч байгаа дулааныг ашиглан эрчим хүч гаргаж авах нарны plate нь хамгийн үр дүнтэй шавхагдашгүй сэргээгдэх эрчим хүч юм. Орчин үеийн нарны зайн хавтанг 1980-аад оноос хөгжүүлэн хэрэглээнд нэвтрүүлж эхэлсэн байна.

АНУ, Морокко, Испани гэх орнуудад хамгийн том нарны эрчим хүчний үйлдвэрүүд байрлах бөгөөд 150-392 MW хүчин чадалтай.

Салхины урсгалын хурдны механик энергийг салхин турбин болон үүсгүүрүүдийн тусламжтай цахилгаан эрчим хүч болгон хувиргах технологи. 

Одоогоор 539-6000 MW хүртэл хүчин чадалтай салхины эрчим хүчний үйлдвэрүүд БНХАУ, Энэтхэг, АНУ, Румын, Англи зэрэг орнуудад ажиллаж байна.

Усны урсгалыг бид эрт үеэс ашиглаж ирсэн бөгөөд одоо үед улам боловсронгуй болж эрчим хүч үйлдвэрлэдэг болсон. 

Манай оронд бага оврын хэд хэдэн усан цахилгаан станц байдгаас гадна дунд оврын Дөргөний болон Тайширын цахилгаан станцууд ажилладаг. 

Хамгийн том 10200-22500 MW эрчим хүч үйлдвэрлэх хүчин чадал бүхий усан цахилгаан станцууд БНХАУ, Бразил, Португал, Венесуэлд байдаг байна. 

Энэ төрлийн шинэ эх үүсгүүрийг одоогоор Швейцарьт туршиж эхэлж байгаа бөгөөд цацрагийн эрчим хүч гэх аж.

Газрын гүний дулааны эрчим хүчийг ашиглах технологи. Газрын гүнд өндөр температурт байгаа рашаан, дулааныг ихэвчлэн ашигладаг. Дэлхийн улс орнууд өргөн хэрэглэдэг ба манай орны зарим нэгэн амралтын газрууд амжилттай хэрэгжүүлсэн.

Хүн болон амьтны өтгөн ялгадсанд амьдрах чадвартай бичил биетүүд болон биологийн бодис ашиглан эрчим хүч гарган авч болно. Манай оронд туршигдаж байсан боловч хүйтний нөхцөлд бичил биетүүд болон нян нь амьдрах чадваргүйн улмаас ашиглагддаггүй.

Хүлэмжийн хийн өсөлтөнд бага нөлөөлөх газрын тосны бүтээгдэхүүнийг орлож чадахуйц шахсан байгалийн хийн эрчим хүч нь цэвэр, хямд түлш төдийгүй эрчим хүчний  алдагдалгүй учраас маш их үр ашигтайд тооцогддог. Байгалийн хийгээр ажилладаг тээврийн хэрэгслээс авахуулаад ахуйн зориулалтаар ч ашиглаж байгаа билээ.

Атомын хөдөлгөөний эрчмийг ашиглан эрчим хүч гаргаж авах технологиор Япон, Франц болон АНУ дэлхийд тэргүүлэх байр суурь эзлэж байна.