Арав.мн

Азийн шилдэг 10 роман (Англи үзэмжээр)

Азийн шилдэг 10 роман (Англи үзэмжээр)

Их Британийн өдөр тутмын гол хэвлэл “The Daily Telegraph” сонин дэлхий дахинаа танигдсан шилдэг ном зохиолуудыг бүс нутгаар нь ангилж, сорчлон жагсаажээ. Тэр бүх жагсаалтаа “Бүх цаг үеийн шилдгүүд” хэмээн тодотгосон байна. Тус сониныхны үнэлэмжээр бол дараах 10 роман Азиас төрсөн “бүх цаг үеийн” хамгийн онцгой, номын хорхойтон бүрийн уншваас зохилтой бүтээлүүд гэнэ. Уран зохиолын эртний баялаг өвтэй Хятад, Японоос хэний ямар зохиол сонгогдсон нь нэн сонин. Түүх соёлын хувьд Их Британитай ойр дөхөм, олон сэжмээр англичуудтай холбогдох Энэтхэгийн бага тивээс мөн олон зохиол багтсаныг та анзаарах биз ээ. 


10

Өчүүхэн зүйлсийн бурхан - Арундати Рой

The God of Small Things (1997)

Коммунизм, ангиар ялгаварлах үзэл, шашин шүтлэг хийгээд соёлын харшилдаанзэрэг нийгмийн олон үзэгдлийг дэвсгэр болгон ихэр ах дүүсийн хувь заяаг хүүрнэх бүтээл. Бүүкерийн шагнал хүртсэн уг романд 1960-1990-ээд оны өөрчлөлт шинэчлэлийн үеийг өгүүлэх бөгөөд зохиолчийнх нь бичсэнээр “Өөрчлөлт гэдэг нэг хэрэг. Харин түүнийг хүлээж авна гэдэг огт өөр хэрэг” билээ.


09

Зохист тэнцвэр - Рохинтон Мистри

A Fine Balance (1995)

1970 оны Онц байдлын үеийн Энэтхэг орон, тухайн цагийн Ерөнхий сайдын тухай ном.Гэвч уг зохиолд Индира Гандийн нэрийг огт дурдалгүйгээр, гол дүрийн дөрвөн баатраар дамжуулан улс төрийн үйл явдал, уур амьсгалыг харуулна. 


08

Баадуут шувууны түүх - Мүраками Харүки

The Wind-Up Bird Chronicle (1994) 

Торү Окадагийн муур Токио хотод алга болсноор зохиол эхэлнэ. Тэрбээр бодит байдалд ч, зүүдэндээ ч эгч дүү сэтгэл зүйчидтэй уулздаг болно.Энэ зохиол хэдий ээдрээтэй, төөрдөг байшин мэт өгүүлэмжтэй ч халуун дулаан уур амьсгал, хүнлэг аясаа ер алдахгүй. 


07

Шөнө дундын хүүхдүүд - Салман Рушди

Midnight's Children (1980)

Энэ номд шидэт реализм шинэ Энэтхэг оронтой учран золгожээ. Зохиолын гол дүр Салим Синай Энэтхэг орон тусгаар тогтносон өдөр мэндэлсэн бөгөөд гоц авьяастан юм. 


06

Илч, тоос - Рүт Правер Жабавала

Heat and Dust (1975)

Энэтхэгээр аялах англи бүсгүйн тухай өгүүлэх энэ номд 1920-иод оны Британийн Раж буюу Жагарын орны аж байдлыг харуулна. Номын зохиолч Рүт Правер Жабавала нь Бүүкерийн шагнал болон Оскарын алтан баримал хоёрыг хоёуланг нь хүртсэн одоогоор цорын ганц хүн юм.



05

Хаврын цас - Мишима Юкио

Spring Snow (1969-71)

Мишима Юкио 1970 оны арваннэгдүгээр сард амиа егүүтгэн хорвоогоос явсан билээ. Харин ийм шийдвэр гаргахаасаа өмнөнэгэн дөрвөлсөн романыг хэвлэн нийтлэгч рүүгээ илгээсэн нь энэхүү “Хаврын цас” бүтээл юм. Шинээр төвхнөсөн XX зууны Япон орныг дүрслэх уг номыг туульсын зохиол ч гэж тодорхойлж болно. 


04

Х.Хаттеррийн түүх - Г.В.Десани

All About H.Hatterr (1948)

Англи худалдаачин, малайз эмэгтэйн дундаас төрж Энэтхэгт өсөж өндийсөн нэгэн хүүгийн ухаарал, гэгээрлийнэрэл, адал сонин амьдралыг хүүрнэх энэхүү номыг Английн нэрт зохиолч Антони Бёржесс “уран нарийн шаглаатай, сэтгэл татам орооцолдоон” хэмээн тодорхойлсон байна. 


03

Рашёмон - Акүтагава Рюүносүкэ

Rashomon (1915)

150 гаруй богино өгүүлэг бичиж, Япон өгүүллэгийн эцэг гэгдсэн Акүтагава Рюүносүкэ ердөө 13 хуудас бүхий “Ширэнгэд” зохиолоо анх 1915 онд хэвлүүлсэн нь хожим Күросавагийн “Рашёмон” киногоор дамжин олон орноо танигдсан юм. Заримдаа тууж, өгүүллэг гэгддэг ч өгүүлэмж, агуулгын хувьд энэ зохиол аргагүй “том” бүтээл билээ.


02

Улаан асрын зүүд - Цао Шюэцинь

The Dream of the Red Chamber (1791)

400 гаруй дүртэй энэ зохиол сонгодог хятад хэлний гайхамшгийг мэдрүүлдэг гэдэг. Зохиолд сурвалжит нэгэн гэр бүлээс салбарласан хоёр өрх айл, тэдгээрийн гишүүдийн эмгэнэлт хайрын түүх, хүнлэг сэтгэлийн тухай өгүүлнэ.


01

Мянга нэгэн шөнийн үлгэр - Нэр нь үл мэдэгдэх зохиолч

The Thousand Nights and One Night (англи хэлнээ анх 1706 онд хэвлэгдсэн)

Цаазын ял сонссон Шахерезада бүсгүй үхлээ “хойшлуулахаар” мянган шөнө үлгэр хүүрнэнэ. Гэмт хэрэг, айдас хүйдэс, уран сэтгэмж, хайр дурлал гээд юм бүхнийг сүлсэн энэ зохиол Толстой, Дюма, Прүст нарын олон “том” зохиолчид нөлөөлсөн байдаг. 



7.5

/10
Үнэлгээ өгөх

Холбоотой мэдээ



Сэтгэгдэл (0)


АНХААРУУЛГА: Уншигчдын бичсэн сэтгэгдэлд ARAV.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.


Сэтгэгдэл бичигдээгүй байна

Quiz game - Start
100 Секунд 7 хоногийн шилдэг
Suhdari
01Suhdari Ugtahbayar
5,000 оноо
Б.
02Б. Дөлгөөн
4,900 оноо
Tuguldur
03Tuguldur Batchuluun
2,100 оноо
таны овог,
04таны овог, нэр
оноо
таны овог,
05таны овог, нэр
оноо
таны овог,
06таны овог, нэр
оноо
таны овог,
07таны овог, нэр
оноо
таны овог,
08таны овог, нэр
оноо
таны овог,
09таны овог, нэр
оноо
таны овог,
10таны овог, нэр
оноо
Үгийн сүлжээ - Start
Үгийн сүлжээний ялагчид
Хоролгарав
01Хоролгарав Э.
11 минут 59 секунд
Л.
02Л. Санжаасүрэн
14 минут 38 секунд
Altantsooj
03Altantsooj Batsukh
14 минут 47 секунд
Баатар
04Баатар Батчулууны
22 минут 46 секунд
Нипонь
05Нипонь Оллблью
38 минут 16 секунд
Мягмарсүрэн
06Мягмарсүрэн Балдан
45 минут 44 секунд
Soyolerdene
07Soyolerdene Baterdene
49 минут 1 секунд
Batmunkh
08Batmunkh Buyandelger
1 цаг 11 минут 10 секунд
Munkhzul
09Munkhzul Agvaandorj
1 цаг 32 минут 33 секунд
Дэмбээ
10Дэмбээ Чонод
1 цаг 53 минут 32 секунд